_____ In Darkness: 50. ປະຕິທິນ

...

ໄຊສຸວັນ ແພງພົງ (17 ຕຸລາ 1950) ເປັນນັກບິນຂົນສົ່ງ 16 ປີ ຂອງລາວ, ໄດ້ຮັບ ”ປະກາໄຊຍະບັດນັກບິນ” ຈາກກອງທັບອາກາດສະຫະຣັດອະເມຣິກາ ໃນສໄມສົງຄາມວຽດນາມ (1970-73). ໄຊສຸວັນ ເຄີຍເປັນ”ນັກບິນຊ່ວຍ” ຂອງ ເຮືອບິນພຣະທີ່ນັ່ງ ພຣະເຈົ້າສຣີສວ່າງວັທນາ ໃນສໄມເກົ່າແລະເປັນ “ກັບຕັນເຮືອບິນ” ຂອງປະທານປະເທດສຸພານຸວົງ ໃນສໄມໃໝ່. ປີ 1976-1986, ເປັນຫົວໜ້າກອງບິນ Antonov-24 ຂອງບໍລິສັດແຫ່ງຊາດ ການບິນລາວ ທັງຍັງເປັນ ນັກບິນທົດລອງ, ນັກບິນຄຣູສອນນຳອີກ. ໄຊສຸວັນ ແພງພົງ ເປັນກັບຕັນລາວຜູ້ທຳອິດທີ່ບິນຈາກວຽງຈັນເຖິງມົສກູ: ບິນໄປ-ກັບຫລາຍຖ້ຽວ ໃນຫລາຍປີ. ເມື່ອອາຍຸ 15 ປີ, ເຂົາເລີ່ມແຕ່ງກອນຕອນຮຽນຢູ່ມັທຍົມຕົ້ນ. ຫລາຍປີຕໍ່ມາ ບົດກະວີແລະ ເລື່ອງສັ້ນກໍອອກສູ່ສາຍຕາມວນຊົນ. ໂຮມເລື່ອງສັ້ນຊຸດທຳອິດ ”ເຫລົ້າເທວະດາ” ລົງພິມຢູ່ລາວ ແລະຕໍ່ມາໂຮມເລື່ອງສັ້ນຊຸດ “ຄວາຍໂດຍສານ” ພິມຢູ່ໄທ. ”ນົກສິບຝົນ” ນິຍາຍຊີວິດນັກບິນສອງຟ້າ-ສາກນຶ່ງຂອງສົງຄາມອິນດູຈີນ ລົງພິມເປັນ ເຫລັ້ມຢູ່ລາວແລະພິມໃນວາຣະສານ ”ເນຊັ່ນ-ສຸດສັປດາ” ຍາວເຖິງ 26 ອາທິດ ຢູ່ໄທ. ເລື່ອງສັ້ນ ”ຕາຍຫູງ” ພິມໃນ ວາຣະສານ europe ຂອງປະເທດຝຣັ່ງເສດ.ບົດກະວີ ”ແມ່” ພິມໃນປະເທດບຸນກາຣີ. ພາຍຫລັງມາພຳນັກຢູ່ໃນສະຫະຣັດອະເມຣິກາ ຕັ້ງແຕ່ປີ 1991, ເຂົາໄດ້ເປັນນັກຂຽນປະຈຳໃຫ້ວາຣະສານ “ສຽງແຄນ” ບ່ອນທີ່ບົດກະວີແລະເລື່ອງສັ້ນຫລາຍບົດ ອອກສູ່ສາຍຕາຊາວລາວຕ່າງແດນ. ປີຕໍ່ໆມາ ບົດກະວີພາສາ ອະເມຣິກັນ: “ຈັນດວງດຽວ” ຖືກຄັດເລືອກໃຫ້ລົງພິມໃນ “America At The Millennium – The Best Poems and Poets of the 20th Century”. ບົດກະວີ ”ຫິມມະຫລົງຣະດູ” ແລະ “ໃບເຫລືອງຫລົ່ນ” ລົງພິມໃນ “Great Poems of Western World”. ບົດກະວີ “ຂອບຟ້າ-ທະເລກວ້າງ” ແລະ “ຫິ່ງຫ້ອຍໃນຄືນແຮມ” ລົງພິມໃນ ”Great Poets Across America” ແລະ “International Who’s Who in Poetry”. ເຂົາໄດ້ຮຽບຮຽງນິທານພາສິດຈາກ ”ໜັງສືສຽວສວາດ” ອອກເປັນຊຸດ “ສຽວສວາດ” ຊຶ່ງແຕ່ງເປັນກອນ 45 ບົດ ໂດຍໃຊ້ພາສາລາວຍຸກສໄມປັດຈຸບັນ. ໄຊສຸວັນ ແພງພົງ ໄດ້ຮັບເລືອກເຟັ້ນໃຫ້ເປັນ “Great Poets Across America - Award Winning Poet” ປີ 2013. ແລະໃນປີດຽວກັນ ເຂົາກໍຖືກຄັດເລືອກໃຫ້ເປັນ 1 ໃນ 64 ນັກກະວີຜູ້ໄດ້ຮັບ “ຫລຽນຄຳກະວີນິພົນ - Poetry Gold Medal of Excellence” ຂອງວົງການ “PoetryFest 2013” ທົ່ວສະຫະຣັດ ອະເມຣິກາ. ຍ້ອນອາຊີບນັກບິນ ພາໃຫ້ເຂົາໄດ້ເດີນທາງໄປຫລາຍກວ່າ 20 ປະເທດ ກ່ອນຈະມາພຳນັກຢູ່ທີ່ຣັດຢູທາ, ຕັ້ງແຕ່ເດືອນກຸມພາ ປີ 1991 ແລະ 5 ປີຕໍ່ມາ ກໍໄດ້ຮັບເຂົ້າເປັນພົລເມືອງອະເມຣິກັນ. ເດືອນສິງຫາ 2010 ໄຊສຸວັນ ແພງພົງ ໄດ້ພາບັນດານັກກະວີລາວທົ່ວໂລກສ້າງຕັ້ງ ”ວົງການກະວີນິພົນລາວ” ແລະເຜີຍແຜ່ວັນນະຄະດີພື້ນເມືອງ ແລະກາບກອນລາວທາງອ໋ອນລາຍ. ປັດຈຸບັນໄຊສຸວັນ ແພງພົງ ເປັນ”ສະມາຊິກຕລອດຊີວິດ” ແຫ່ງສຳນັກກະວີ The Famous Poets.

_____ In Darkness

50. ປະຕິທິນ

<----

Visitors